Imagine Sey

Imagine Sey

Imagine Sey

Imagine sey
you no play lotto, but still you dey drive correct moto,
you know do mago-mago tek komot for aje kpako,
you no kill person to become person
you fit tok wetin gas without any jara
you fit look my eye tell me wetin sup.

Imagine
Sey you go school, you graduate, as in graduate;
Sey as you graduate, you no waka street before you find job
Sey as you get that job and your tax no pass salary
Sey for that job, dem no sack you, pursue you komot.

Imagine
Sey place wey we dey call home be home true true
Sey we fit waka for street without yawa
Sey you fit eat wetin you like, chop belle full without unnecessary waka waka
Sey you fit drink water without hospital matter

Imagine sey
We fit sleep together, wake up together
Sey baba Ejima no dey beat mama Ejima
Sey big Emma no dey bully small Emma.

Imagine
Sey we dey tok with one voice
Sey our skin color no matter at all
Sey our language no go cause wahala.

I hope sey you dey see wetin I dey see,
Cos di matter dey do me one kind one kind
Imagine am, mek I know wetin you think.
This country na our own, na our matter!

©️ Onabajo Oluwakeji Daniel

Lagos, Nigeria

ONABAJO OLUWAKEJI DANIEL

Onabajo from Lagos, Nigeria. Im dey read Mathematica for Olushegun Agagu University of Science and Technology (OAUSTECH). Onabajo na Poets In Nigeria (PIN) student ambassador and student leader for im school, Im don write some articles and poems wey some websites don publish for am.

Adie Lawrence

Leave a Reply

%d bloggers like this: