E Go Beta

E Go Beta

E Go Beta

No be sey I no know 
wetin future be
Or, where I dey come from
We no dey learn am for school
I just dey work hard and pray sey
Baba God go bless man hustle,
Anyhow man reason am, 

We know say e go beta

Who plant corn no go reap cassava

Life no be straight matter
Battery wey full fit low,
Di one wey low fit full
Our charger no go spoil,
We go wear fine fine clothes
We go chop correct correct 

One day, e go beta!

The end of di matter be sey, 
I no get country
I no be citizen for anywhere
Government no dey for ghetto
Plenty things dey my mind
We no live for ghetto 
Na inside us ghetto dey
One day, e go beta.

©️ Edeh Blessing Nnenna

Calabar, Nigeria

EDEH BLESSING NNENNA

Blessing from Enugu, Nigeria. She be year three student for English and Literary Studies, University of Calabar. Na she bin win di Bassey Ekpenyong Poetry Prize for 2018. She be di founder of ninapoet.zicolinks.com, platform wey dey share stories, poems and other things wey concern literature matter. Blessing like English well-well and sabi speak am.

Adie Lawrence

Leave a Reply

%d bloggers like this: