CALL FOR PIONEER ENTRIES
NPW CALL FOR PIONEER ENTRIES
Like play like play, di love wey we pipul get for Naija Pidgin don dey grow like wildfire. Di time wey we bin dey think sey di pipul wey dey blow Naija Pidgin na pipul wey no sabi book don pass o. Today for Naija, plenty correct organizations dey use Naija Pidgin sell market well-well, whether na for news o, comedy, politics or even university. Di truth be sey, if you see how pipul dey hype English language, you go gree sey dem neva show Naija Pidgin di respect wey im deserve, onto say na pidgin wey pipul dey understand pass for we country. Na dis kind thing mek Naija Pidgin Worldwide, platform wey oga Eriata Oribhabor (di man wey dey try im best to promote Naija Pidgin) to call all of una to submit una poem, short tori, spoken word, instanta news, proverb and comedy for Naija Pidgin mek we share am with di world for una.
* Mek wetin you dey submit be your own work
* Mek everything for your work dey for Naija Pidgin
* Mek your poem no pass 30 lines
* Mek your tori, comedy and instanta news news report dey in-between 350 and 500 words
* Mek di video of your spoken word, instanta news tori or comedy no pass 60 seconds
* Mek your proverb no pass 30 words and mek you submit am as picture
* Submit your work with your name, phone number, location and small gist about yourself for
* Di deadline for submission na 18th March, 2020
WETIN YOU GO GAIN
* If we choose your work, we go post am for our website naijapidginworldwide.com and all of our social media platform dem.
* We go dey talk about you as one of di first person wey post im work for our website