ME AND MY FREND FOR TELEPHONE TOK | Eriata Oribhabor

ME AND MY FREND FOR TELEPHONE TOK | Eriata Oribhabor

My frend: Oga Eriata, you dey for our side?

Me: Which side?

My frend: I see sey you deh for Afikpo – after, I kom see sey you don enter Enugu. You no sabi sey na my side be dat?

Me: I know sey na your side but I nor know sey you know sey I deh for your side.

My frend: You nor know sey I dey follow you for facebook?

Me: I know na. No be today. You na my correct person for Facebook. Na where you kom deh na? You deh dis side abi na anoda side you deh?

My frend: I deh anoda side wen no near you at all. Otherwise, I for come see you. You trust na. I for like to see you after many years.

Me: Na God go bless you with im blessing for dis palm Sunday. Abi you no understand Palm Sunday?

My frend: Haba! I understand wela.

Me: Na true. Na true.

My frend: Hope sey everything dey happen for Enugu?

Me: Yes o! Abeg wait. Like how?

My frend: Like enjoyment na!

Me: Dis place correct. Na correct place. I go like to come back. I no go lie.

My frend: Hope sey our women dey behave sha?

Me: I no quarrel with anybodi o!

My frend: Oga Eriata, no do like sey you no understand me o!

Me: Abeg, na so-so write I just dey write o! I no get time to even waka round to see how una women dey behave o!

My frend: Ok na… No chop alone sha!

Me: Hahahhahhh! Chop alone na die alone na.

My frend: Ngwa nu – Oya na…

Eriata Oribhabor na poet wey dey write for Naija Pidgin and English Language. Im dey do plenty things about how pipul go write and understand poem for Naija Pidgin and difren-difren language.

admin

Leave a Reply

%d bloggers like this: