GRA GRA | Alozor Michael Ikechukwu

GRA GRA | Alozor Michael Ikechukwu

Superman no be by gra gra
Bruce Lee for don fly
If life na by muscle
E for neva die.

Take life jeje
Make you no worry yourself
Your own na your own
Make you no dey rush.

No be who first go farm
Sabi farm pass.
E no go harvest pass
Di man wey sabi farm pass.

Life na by grace and sabi
Cool down make you learn.
Gra gra no dey pay
Sabi-sabi dey kill.


Alozor Michael Ikechukwu na Navy staff wen im age still dey for di starting of 30 years, e kom from Umumbo for Ayamelum Local Govament Area, for Anambra state.


Leave a Reply

%d bloggers like this: